itna bhi na saaqi hosh raha pi kar ye hamen mai-ḳhana tha
gardish men hamari qismat thi chakkar men tira paimana tha
mahrum tha soz-e-ulfat se jal jaane se begana tha
fanus ke andar sham.a rahi bahar bahar parvana tha
mai-ḳhane se ham ruḳhsat jo hue to aur hi kuchh mai-ḳhana tha
ik kone men ḳhum rakha tha ik goshe men paimana tha
huun rang-e-mohabbat se vaqif huun soz-e-mohabbat se vaqif
gulzar men bulbul main tha kabhi mahfil men kabhi parvana tha
daman men jo chun kar rakhta tha sab jaib-o-gareban ke TukḌe
hoshyar vahi divana tha divana vo kab divana tha
Leave a Reply