sar-e-bazm meri nazar se jab vo nigah-e-hosh-ruba mili
kabhi zindagi ka maza mila kabhi zindagi ki saza mili
ka.i manzilon se guzar ga.e to hamen ye rah-e-vafa mili
kahin dil mila kahin dard-e-dil kahin dard-e-dil ki dava mili
tumhen yaad hai mire sathiyo ki bichhaḌ ga.e the vahin se ham
tumhen dard-e-dil ki dava mili mujhe dard-e-dil ki dua mili
na baha sake kabhi ashk bhi tiri barhami ke ḳhayal se
ga.e le ke jalte charagh ham to hamesha tez hava mili
nahin gham jo mujh ko zamane men koi gham ki daad na de saka
magar un ke dil pe likhi hui miri dastan-e-vafa mili
dil-e-ka.enat taḌap uTha vo shu.ur-e-naghma ata kiya
jo sada-e-saz-e-hayat se mire saz-e-dil ki sada mili
jo zamana bhuul gaya to kya ki chalan yahi hai zamane ka
magar un ke dil pe likhi hui miri dastan-e-vafa mili
Leave a Reply