poet

Saqiya Mar Ke Uthenge Tere Mai-Khane Se

saqiya mar ke uthenge tire mai-khane se

ahd-o-paiman hain yahi ziist men paimane se

tu kahan aai mira dard batane ke liye

ai shab-e-hijr nikal ja mire gham-khane se

kaun hota hai musibat men kisi ka dil-soz

uth gai shama bhi jal kar mire kashane se

kuchh yahi kohkan-o-qais pe guzri hogi

milti-julti hai kahani mire afsane se

jubba-farsa-e-dar-e-kaaba the kal tak to ‘zahir’

girte padte hue aaj aate hain maikhane se

More Poems

Leave a Comment