Poet
saqiya ho garmi-e-sohbat zara barsat men
kya hi ThanDi ThanDi chalti hai hava barsat men
rakh ke ai saaqi ḳhum-e-mai men baha dena mujhe
bada-kash huun aa.egi meri qaza barsat men
meri aahen hain dalil-e-girya-e-be-intiha
jitni andhi aa.e barish ho siva barsat men
panch ye mere havas-e-ḳhamsa hain do jism-o-jan
ishq ne taqsim paa.i hai barabar saat men
kab tumhari raah dekhen phuul ho kis fazl ke
aaoge garmi men ya jaaḌe men ya barsat men
abr dariya sabza saaqi yaar mutrib duḳht-e-raz
‘mehr’ hai in saat chizon ka maza barsat men
Leave a Reply