Saqi Mujhe KHumar Satae Hai La Sharab

saaqī mujhe ḳhumār satā.e hai lā sharāb

martā huuñ tishnagī se ai zālim pilā sharāb

muddat se aarzū hai ḳhudā vo ghaḌī kare

ham tum piyeñ jo mil ke kahīñ ek jā sharāb

mashrab meñ to durust ḳharābātiyoñ ke hai

maz.hab meñ zāhidoñ ke nahīñ gar ravā sharāb

saaqī ke ta.iiñ bulāo uThā do tabīb ko

mastoñ ke hai maraz kī jahāñ meñ davā sharāb

be-rū-e-yār o mutrib o abrū bahār o baaġh

‘hātim’ ke ta.iiñ kabhī na pilā.e ḳhudā sharāb

Leave a Comment