Dilkash Sagari
sapnon ki dhara men bahta rahta huun
shabdon ke akar badalta rahta huun
haal se mustaqbil se ankhen band kiye
maazi ki dahliz pe sota rahta huun
un se teri shakl nahin milti phir bhi
phulon se din-rat jhagaḌta rahta huun
bahar ghup andhiyara gunge bahre log
apne aap se baten karta rahta huun
main huun sar se pa tak zahr-bhara ‘sagar’
ḳhud hi apne jism ko Dasta rahta huun
Leave a Reply