Neena Sahar
sapan kitna salona chahti thi
tiri mahbub hona chahti thi
ye mohlat hi nahin di zindagi ne
main tere saath rona chahti thi
tiri sanson ki khushbu se bhare hon
main aise phuul bona chahti thi
tiri aghosh men aa kar ye jaana
ki main sadiyon se sona chahti thi
ye mere ansuon ki intishari
tire gham ka bichhauna chahti thi
mayassar hi na ho paaya mujhe tu
men khud ko tujh men khona chahti thi
Leave a Reply