naseem-syed

Sanwli Rangat

tum akhir is qadar kyuun ro rahi ho

bad-shuguni mat karo

ye to duaen mangne ka vaqt hai

shayad vo

”han” kah den

chalo uttho

ye apne saare aansu

zaat ki takrim ki baten

ye apna agahi ka falsafa

sab zabt ke sar-posh se Dhanko

nazar nichi rahe

be-chargi ki shaal

mathe tak ghasito

or

apne kanpte hathon se

apni zaat ka ye khvan

un ke samne chun do

khuda rakkhe bade tajir hain

gahri hai nazar un ki

tumhari sanvli rangat

aur us par hosh ki baten

mujhe to haul aata hai

kahin vo

”na”

na kah den

More Poems

Leave a Comment