sanvar nok-palak abruon men ḳham kar de
gire paḌe hue lafzon ko mohtaram kar de
ghurur us pe bahut sajta hai magar kah do
isi men us ka bhala hai ghurur kam kar de
yahan libas ki qimat hai aadmi ki nahin
mujhe gilas baḌe de sharab kam kar de
chamakne vaali hai tahrir meri qismat ki
koi charagh ki lau ko zara sa kam kar de
kisi ne chuum ke ankhon ko ye dua di thi
zamin teri ḳhuda motiyon se nam kar de
Leave a Reply