Rafiq Sandelvi
jhuka hua hai jo mujh par vajud mera hai
ḳhud apne ghaar ka patthar vajud mera hai
ye chap, tirgi, niche ko ja raha ziina
isi surang ke andar vajud mera hai
nahin hai is men kisi ki shirakat-nafsi
ye baat tai hai sarasar vajud mera hai
mushabah donon hain phir bhi ruḳh-e-tamanna se
tire vajud se baḌh kar vajud mera hai
ye hadd-e-ḳhirgi jis par hai jalva-ara tu
bas is se agle qadam par vajud mera hai
Leave a Reply