tum khafa ho to achchha khafa ho
ai buto kya kisi ke khuda ho
apne maston ki khairat saaqi
ek saghar mujhe bhi ata ho
kuchh raha bhi hai bimar-e-gham men
ab dava ho to kis ki dava ho
aao mil lo shab-e-vaada aa kar
sub.h tak phir khuda jaane kya ho
tu ne mujh ko kahin ka na rakkha
ai dil-e-zar tera bura ho
ghusse men bhi raha pas-e-dushman
kah rahe hain ki tera bhala ho
tum ko ‘bedam’ hamin jante hain
parsa ho bade parsa ho
Leave a Reply