Shakeel Shamsi
sang majnun pe laḌakpan men uThaya kyuun tha
yaad ghalib ki tarah sar mujhe aaya kyuun tha
baat ab ye nahin kyuun chhoḌa tha us ne mujh ko
baat to ye hai ki vo lauT ke aaya kyuun tha
kitne ma.asum-sifat log the samjhe hi nahin
us ne par toḌ ke titli ko uḌaya kyuun tha
jis ke hathon men nazar aate the patthar kal tak
us ne hi meri taraf phuul baḌhaya kyuun tha
ab vo apne ko ḳhuda samjhe to ghalati kya hai
man ke mandir men use tum ne basaya kyuun tha
Leave a Reply