Sufi

Samne Us But Ke Jab Jaana Pada

samne us but ke jab jaana pada

kufr par iman mujhe laana pada

bahar-e-darman un ko jab aana pada

dard-e-dil ko aur badh jaana pada

phir bhi kab samjha fareb-e-husn ko

dil ko lakhon baar samjhana pada

jiite ji didar-e-janan tha muhal

zindagi men mujh ko mar jaana pada

ku-e-janan kucha-e-janan tha phir

jannat-e-vaiz ko thukrana pada

ho chuka nazrana jab dil husn ka

phir jigar ko samne laana pada

zindagi men jab na ‘afqar’ aae vo

zindagi ko maut ban jaana pada

More Poems

Leave a Comment