Masoom Ansari
samne baiTh ke kuchh baat bhi ho sakti hai
aap chahen to mulaqat bhi ho sakti hai
kis ne samjha hai badalte hue mausam ka mizaj
dhuup rahte hue barsat bhi ho sakti hai
haath aa.i hui baazi pe bahut naaz na kar
jitne vaale tujhe maat bhi ho sakti hai
vadi-e-shab men charaghon ka ye lashkar kaisa
koi bhaTki hui barat bhi ho sakti hai
ham ne dekha bhi nahin tum ne pukara bhi nahin
kal yahi vaj.h-e-shikayat bhi ho sakti hai
ham ne pahle hi ḳhabar-dar kiya tha ‘ma.asum’
rah-e-ulfat men koi ghaat bhi ho sakti hai
Leave a Reply