saki aaj pyala anand ka pila munj
va yaqut adhran ki masti dila munj
mahal diste hain nuur ke at safa suun
saki lya sajan kuun mana kar bula munj
gagan se tabaq motiyan suun bhari huun
piya aarti tain piyo kuun hila munj
tire neh bin jivna munj na bhave
masiha naman aap dam suun jila munj
adhar tere bin munj na bhaven aqiqan
badan tere bin niin hai neka tala munj
tire husn bin haur munj nain men kad
na aave ki hai is setin ibtila munj
nabi sadqe ‘qubta’ ali mehr sete
bandha dil kahin niin unan bin vala munj