saja rahega andheron se hi khanDar mera
ik ek kar ke hua ḳhatm ab safar mera
mira mizaj mira tarz-e-zindagi hai juda
na ho sakega mire ghar men bhi guzar mera
jo kaam aa sake le ja mire aziiz abhi
ye tere samne hazir hai aaj sar mera
qalam uTha.un ki bachchon ki zindagi dekhun
paḌa hua hai dorahe pe ab hunar mera
hai ḳhushk patton ki manind zindagi ‘ajiz’
na ḳhandan hai koi na koi ghar mera
Leave a Reply