use malal ho kya dost ki juda.i ka
jo sah chuka ho gham-o-ranj ashna.i ka
bhala.i men bhi nikala sabab bura.i ka
bana diya hai adu ne pahaḌ raa.i ka
ye chand-tare ye suraj hain kya dariche hain
tujhe bhi shauq hai goya ki ḳhud-numa.i ka
taḌapta dekh ke charke laga.e bismil ko
sitam to Thiik pa aalam tiri DhiTa.i ka
main jab yahan se gaya mere haath ḳhali the
hisab le liya duniya ne paa.i paa.i ka
Leave a Reply