Hamidi Kashmiri
sahar-na-ashna koi nahin hai
magar ab jagta koi nahin hai
payami ban ke aate the parinde
magar ab rabta koi nahin hai
shikasta-pa nahin hain ham darḳhto
karen kya rasta koi nahin hai
koi lauTa nahin ghar se nikal kar
magar ye sochta koi nahin hai
baha lo tum hi apne saath maujo
hamara aasra koi nahin hai
ham is ki khoj men nikle hue hain
hamen apna pata koi nahin hai
Leave a Reply