Sahar Ki Dhup Sa Nikhra Jamal Tha Koi

sahar ki dhuup sa nikhra jamal tha koi

vo chand-rat men dilkash khayal tha koi

bhula de arsh ki jannat ka khvab ankhon ko

bahar-e-husn se yuun mala-mal tha koi

sahar ke nuur se be-nur chand ka chehra

bichhad ke raat se behad niDhal tha koi

milega kab mujhe be-rang ratjagon ka javab

khamosh raat se lipta saval tha koi

khushi thi chehre pe lekin koi na jaan saka

khushi ke pichhe bahut pur-malal tha koi

Leave a Comment