Habib Jalib
sher hota hai ab mahinon men
zindagi Dhal ga.i mashinon men
pyaar ki raushni nahin milti
un makanon men un makinon men
dekh kar dosti ka haath baḌhao
saanp hote hain astinon men
qahr ki aankh se na dekh in ko
dil dhaḌakte hain abginon men
asmanon ki ḳhair ho yarab
ik naya azm hai zaminon men
vo mohabbat nahin rahi ‘jalib’
ham-safiron men ham-nashinon men
Leave a Reply