Prakhar Malviya Kanha
sagar bhi to qatra nikla
jo ankhon se bahta nikla
bolo ab tum kya kahte ho
main is baar bhi sachcha nikla
dil to ḳhair pareshan tha hi
zehn bhi mera uljha nikla
Duub gaya shab ke dariya men
chand bhi bas ik qatra nikla
shaam hui to dil men lauTa
dard bhi ek parinda nikla
mujh se kis ne baten ki thiin
sannaTa to gunga nikla
us ke aansu meri ḳhushiyan
ye sauda bhi mahnga nikla
‘kanha’ roya aaj main ji bhar
dil ka ik ik kanTa nikla
Leave a Reply