suna hai main ne!
kai din se tum pareshan ho
kisi khayal men
har vaqt khoi rahti ho
gali men jaati ho
jaate hi laut aati ho
kahin ki chiiz
kahin rakh ke bhuul jaati ho
kitchen men!
roz koi pyali tod deti ho
masala piis kar
sil yunhi chhod deti ho
nasihaton se khafa
mashvaron se uljhan si
kamar men dard ki lahren
ragon men ainthan si
yaqin jano!
bahut duur bhi nahin vo ghadi
har ik fasane ka unvan badal chuka hoga
mire palang ki chaudai
ghat chuki hogi
tumhare jism ka suraj pighal chuka hoga
Leave a Reply