ek pal ja na kahun nain suun ai nur-e-basar
tuk na ho is dil-e-tarik suun ai badr badar
teri is subh bina gosh-o-khat-e-mushkin suun
sair karta huun ajab sham-o-sahar sham-o-sahar
jal ke main surma hua balki hua kajal bhi
khana-e-chashm men tujh paun jo tuk raah magar
rah-daran leven har gaam men jiiv ka hasil
haiga is raah men ai umr-e-abad jaan ka khatar
qible suun muunh phiraya tire mukh ki janib
kiya zahid ne make suun su-e-but-khana safar
chand suraj ki rakh ainak kuun sada pir-e-falak
kham ho karta hai nazar taaki dekhe teri kamar