Safhe Pe Kab Chaman Ke Hawa Se Ghubar Hai

safhe pe kab chaman ke hava se ghubar hai

ye apne sar pe khaak udati bahar hai

shabnam ka kuchh nahin gul-e-nargis o pur-asar

ye dekh lo bahar ki chashm ashk-bar hai

ye shakh-e-gul pe ghuncha-e-gul se bahar ka

yaaro dil-e-girafta dekho ashkar hai

hota hai gul ki tarz se izhar is tarah

ye paara paara daman-o-jeb-e-bahar hai

gulshan ke biich ye gul-e-sad-barg niin hai zard

ai ashiqo bahar ka rang-e-azar hai

gulshan ke biich kahte hain ye jis ko lala-zar

so nau-bahar ka jigar dagh-dar hai

patthar se maar maar ke sar roti hai bahar

jis ko chaman men kahte hain ye abshar hai

ye hal-e-khasta dekh chaman men bahar ka

hasrat se mere dil ke upar khaar khaar hai

gulshan ki tarah se mujh rangin-dilon ke biich

hai khushnuma vo jeb ki jo taar taar hai

sad-chak gul ka sun ke hua jaib-e-pairahan

yaan tak to pur asar se fughan-e-hazar hai

ik bulbul-e-asir se puchha men kis liye

aane ka fasl-e-gul ke tujhe intizar hai

kahne lagi vo uqda-e-khatir ko khol kar

gul gul shagufta huun main sunun jo bahar hai

ankhon se dil ke diid ko maane nahin nafas

ashiq ko ain-hijr men bhi vasl-e-yar hai

us shama-ru pe dil se tasadduq hai balki ‘ishq’

parvana-var jaan se har-dam nisar hai

Leave a Comment