Ram Awtar Gupta Muztar
safar ka ruḳh badal kar dekhta huun
kuchh apni samt chal kar dekhta huun
muqaddar phuul hain ya Thokaren phir
kisi patthar men Dhal kar dekhta huun
mujhe deti hai kya kya naam duniya
tire kuche men chal kar dekhta huun
tapish bebakiyon ki kam ho shayad
lahu suraj pe mal kar dekhta huun
bharosa to nahin va.ade pe tere
magar phir bhi bahal kar dekhta huun
ye vo hain ya ki mera vahima hai
unhen phir ankhen mal kar dekhta huun
Leave a Reply