Gareban Hath Mein Hai Panw Mein Sahra Ka Daman Hai

gareban haath men hai paanv men sahra ka daman hai

bas ab paanv hain apne aur sar-e-khar-e-mughilan hai

hava-e-dasht-e-vahshat ham ko le udti hai basti se

hamara unsur-e-khaki magar reg-e-bayaban hai

sabaq ko dekhta huun raat bhar aur phir ulajhta huun

mutavval mukhtasar vo sharh-e-sher-e-zulf-e-pechan hai

jalata hai ye parvanon ko vasf-e-shoala-ruyan se

zaban-e-khama bhi ab to zaban-e-sham-e-sozan hai

Leave a Comment