poet

Safar Hai Dushwar Khwab Kab Tak Bahut Padi Manzil-E-Adam Hai

safar hai dushvar khvab kab tak bahut padi manzil-e-adam hai

‘nasim’ jaago kamar ko bandho uthao bistar ki raat kam hai

‘nasim’ ghaflat ki chal rahi hai umanD rahi hain qaza ki ninden

kuchh aisa soe hain sone vaale ki jagna hashr tak qasam hai

javani-o-husn-o-jah-o-daulat ye chand anfas ke hain jhagde

ajal hai istada dast-basta naved-e-rukhsat har ek dam hai

basan-e-dast-e-saval saail tahi hon har ek muddaa se

niyaz hai be-niyaziyon se baghal men dil surat-e-sanam hai

maal-e-kar-e-jahan-e-fani kabhi nahin ek qaede par

jo chaar din hai vufur-e-rahat to baad is ke gham-o-alam hai

daregh karna na zor-e-bazu mita le saari kuduraton ko

havas na rah jaae koi qatil ki sar tah-e-khanjar-e-do-dam hai

zaban roko bahak rahe ho surur-e-do-shina josh par hai

mai-e-visal-e-shab-e-tamanna har ek lab se abhi baham hai

ye misra-e-mukhbir-e-musibat kamal ham ko pasand aaya

‘nasim’ jaago kamar ko bandho uthao bistar ki raat kam hai

More Poems

Leave a Comment