Akele Kya Pas-E-Diwar-O-Dar Gae Hum Tum

Anwar Shuoor

akele kya pas-e-divar-o-dar ga.e ham tum

sagan-e-ḳhufta ko hoshyar kar ga.e ham tum

qadam qadam pe ajab be-haya nigahon ka

hisar sa nazar aaya jidhar ga.e ham tum

gulon ne ḳhuub pazira.i ki ki bhule se

kisi chaman men na bar-e-digar ga.e ham tum

umid-e-vasl ke din kaT ga.e bhaTakne men

na hoTalon pe yaqin tha na ghar ga.e ham tum

hava-e-dahr ne sahma rakha tha kis darja

kivaḌ bhi kahin khaḌka to Dar ga.e ham tum

falak ki dhun thi magar farsh par hamare paanv

jame na the ki ḳhala men bikhar ga.e ham tum

zahe ye himmat-e-parvaz bhi magar ab to

nasheb men ka.i ziine utar ga.e ham tum