Muzaffar Warsi
safar bhi duur ka hai raah ashna bhi hain
chala udhar ko huun jis samt ki hava bhi nahin
guzar raha huun qadam rakh ke apni ankhon par
ga.e dinon ki taraf muḌ ke dekhta bhi nahin
mira vajud miri zindagi ki had na sahi
kabhi jo tai hi na ho main vo fasla bhi nahin
faza men phail chali meri baat ki ḳhushbu
abhi to main ne havaon se kuchh kaha bhi nahin
samajh raha huun ‘muzaffar’ use sharik-e-safar
jo mere saath qadam do qadam chala bhi nahin
Leave a Reply