Ainuddin Azim
ab junun ke rat-jage ḳhirad men aa gae
saare ḳhvab raushni ki zad men aa gae
log pa gae haqiqaten qayas men
ham yaqin se guman ki had men aa gae
ilm ke muraqabe hain ghair-mustanad
jehl ke munazare sanad men aa gae
lafz-e-fat.h ke jo tarjuman the kabhi
kyuun simaT ke harf-e-al-madad men aa gae
ik panah kya mali ki husn-o-ishq ke
sab gunah nekiyon ki mad men aa gae
dal ki tah men ‘azim’ un ki yaad rah gai
gham ubhar ke mere ḳhal-o-ḳhad men aa gae
Leave a Reply