fikr-e-ghurbat hai na andesha-e-tanha.i hai
zindagi kitne havadis se guzar aa.i hai
log jis haal men marne ki dua karte hain
main ne us haal men jiine ki qasam khaa.i hai
ham na suqrat na mansur na iisa lekin
jo bhi qatil hai hamara hi tamanna.i hai
zindagi aur hain kitne tire chehre ye bata
tujh se ik umr ki halanki shanasa.i hai
kaun na-vaqif-e-anjam-e-tabassum hai ‘amir’
mere halat pe ye kis ko hansi aa.i hai
Leave a Reply