ai ishq teri ab ke vo tasir kya hui
shor-e-junun kidhar gaya zanjir kya hui
divana-pan ka mere jo karte nahin ilaaj
tadbir karne valon ki tadbir kya hui
aagu ki tarah aap jo ab bolte nahin
kya jaane aisi ham se vo taqsir kya hui
ham ne to tum ko daud ke kauli men bhar liya
farmaiye ab aap ki shamshir kya hui
ki thi jo main muraqqa-e-alam se intikhab
ai ‘mushafi’ daregh vo tasvir kya hui
Leave a Reply