saaf auraq hain likhne ki jagah ḳhali hai
ya.ani us maang men taare ki jagah ḳhali hai
nahr ke paar gaya yaar nahin palTa kabhi
car men ab bhi kamine ki jagah ḳhali hai
koi ḳhush-rang dilasa hai to likhte jaao
meri divar pe na.are ki jagah ḳhali hai
aaj bhi khaaT pe bosida badan dekhta huun
baap ke ba.ad bhi kone ki jagah ḳhali hai
chaak par rakkhi hui duniya mukammal kar do
aḳhiri jism pe chehre ki jagah ḳhali hai
meri ghazlen hain sabhi ba.ad tire be-matl.a
saare naghmat men mukhḌe ki jagah ḳhali hai
ma.azarat yaar naya ishq nahin ho sakta
dil mayassar hai na siine ki jagah ḳhali hai
Leave a Reply