aur ta.aruf hamara ho bhi kya
ik shanavar jo Duub tak na saka
kuchh bhanvar yuun uchaT paḌe the jyuun
ḳhud-kushi par ho koi amada
ik bagule ki baat thoḌi hai
har bagule ne gard ko raunda
bulbule sat.h-e-ab ko chhu kar
ham ko duniya ka de ga.e naqsha
vo to sanson ne shamen sulga.in
aadmi ko ye ilm hi kab tha
ab havaon ke daam khulne hain
ḳhushbuon ka to ho chuka sauda
ab vo ḳhud ko samajhte hain suraj
jin sitaron ka chand maama tha
Leave a Reply