Sae Ke Liye Hai Na Thikane Ke Liye Hai

saa.e ke liye hai na Thikāne ke liye hai

dīvār to āñgan meñ uThāne ke liye hai

dekho to har ik shaḳhs ke hāthoñ meñ haiñ patthar

pūchho to kahīñ shahr banāne ke liye hai

rakh dete haiñ patthar mirī tahrīr ke uupar

kahte haiñ ye kāġhaz ko dabāne ke liye hai

dar dil kā ‘suhail’ aaj zarā band na karnā

ik shaḳhs abhī lauT ke aane ke liye hai

Leave a Comment