kaT Gaya Rishtha-E-Ulfat Jo Tera Nam Aaya

kaT gayā rishtha-e-ulfat jo tirā naam aayā

dil vafādār thā lekin na mire kaam aayā

ishq ke hāthoñ charāġh ek sar-e-shām aayā

tīra-baḳhtī meñ mirā dil hī mire kaam aayā

talab-e-mulk-e-adam se na jahāñ dekh sakā

abhī manzil pe na utrā thā ki paiġhām aayā

nāzish-e-dahr na thā maiñ to pas-e-murdan kyuuñ

mahfil-e-ġhair meñ sau baar mirā naam aayā

sham.a roī to vo kuchh der sahī turbat par

ḳhair koī to zamāne meñ mire kaam aayā

Leave a Comment