kaT gaya rishtha-e-ulfat jo tira naam aaya
dil vafadar tha lekin na mire kaam aaya
ishq ke hathon charagh ek sar-e-sham aaya
tira-baḳhti men mira dil hi mire kaam aaya
talab-e-mulk-e-adam se na jahan dekh saka
abhi manzil pe na utra tha ki paigham aaya
nazish-e-dahr na tha main to pas-e-murdan kyuun
mahfil-e-ghair men sau baar mira naam aaya
sham.a roi to vo kuchh der sahi turbat par
ḳhair koi to zamane men mire kaam aaya
Leave a Reply