Rahat Indori
mujhe dubo ke bahut sharmsar rahti hai
vo ek mauj jo dariya ke paar rahti hai
hamare taaq bhi be-zar hain ujalon se
diye ki lau bhi hava par savar rahti hai
phir us ke baad vahi baasi manzaron ke julus
bahar chand hi lamhe bahar rahti hai
isi se qarz chukae hain main ne sadiyon ke
ye zindagi jo hamesha udhar rahti hai
hamari shahr ke danishvaron se yaari hai
isi liye to qaba taar taar rahti hai
mujhe kharidne vaalo qatar men aao
vo chiiz huun jo pas-e-ishtihar rahti hai
Leave a Reply