har ghadi mat ruuth us se pher pal men mil na ja
gar bhala manas hai us kuche men tu ai dil na ja
avval-e-ishq un buton ka lutf hai dam-e-fareb
us ki mehr-o-dilbari par ai dil-e-mail na ja
tegh-e-kin se khak-o-khun men kar liya haae mujhe
raqs-e-bismil ka tamasha dekh ai qatil na ja
ham-sari ka us qad-e-mauzun se tu daava na kar
apni had se bahar ai shamshad-e-padar-gil na ja
ishq ke ku men ki hai ja-e-malamat be-khabar
aana phir vaan se salamat hai bahut mushkil na ja
zahida rindon ki gustakhi ko khatir men na la
ham se divanon ki baton par tu ai aaqil na ja
haath malta hi raha ‘hasrat’ dil us ko de ke haif
haath se aisi tarah ya-rab kisi ka dil na ja
Leave a Reply