qismat ko apne likkhe ke taiin kaun dho sake
sab ho sake va-lek ye itna na ho sake
phulon ki sej us ke liye farsh-e-khar hai
tujh bin kisi tarah tira ashiq na ho sake
tujh bin na kar sake mai-e-ishrat se halq tar
khun-nab-e-gham se lab tira ashiq na ho sake
gar chahe gulshan-e-dil-e-pur-dagh ki bahar
tu tukhm-e-ashk jitne ki ai diida bo sake
dekha asar tumhara bhi ai chashm-e-ashk-bar
kuchh kar sake na us ka ghar apna dubo sake
dil ki havas nikal len ah-o-fughan bhi aap
ye bhi na darguzar karen jo un se ho sake
naiin jan-o-dil ke khone ‘jahandar’ ko daregh
yaad us ki par na jan-o-dil apne se kho sake
Leave a Reply