Bujhi Bujhi Hui Aankhon Mein Goshwara-E-KHwab

bujhī bujhī huī āñkhoñ meñ goshvārā-e-ḳhvāb

so ham uThā.e hue phirte haiñ ḳhasāra-e-ḳhvāb

vo ik charāġh magar ham se duur duur jalā

hamīñ ne jis ko banāyā thā isti.āra-e-ḳhvāb

chamak rahī hai ik āvāz mere hujre meñ

kalām kartā hai āñkhoñ se ik sitāra-e-ḳhvāb

maiñ ahl-e-duniyā se masrūf-e-jañg ho jā.ūñ

ki pichhlī raat milā hai mujhe ishāra-e-ḳhvāb

ajab nahīñ mirī nīndeñ bhī jal uTheñ is baar

dabā huā mire bistar meñ hai sharāra-e-ḳhvāb

Leave a Comment