Kabhi Kisi Ne Jo Dil Dukhaya to Dil Ko Samjha Gai Udasi

Tripurari

kabhi kisi ne jo dil dukhaya to dil ko samjha ga.i udasi

mohabbaton ke usuul saare hamen bhi sikhla ga.i udasi

tumhen jo socha to mere dil se udasiyon ka hujum guzra

kabhi kabhi to hua hai yuun bhi ki be-sabab chha ga.i udasi

paḌi hui thi niDhal ho kar hamari ankhon ke anganon men

kisi ki aahaT suni to chaunki zara si ghabra ga.i udasi

zara si duuri pe baiTh kar vo nigah mujh se mila rahi thi

jo apni banhon men bhar liya to ada se sharma ga.i udasi

vo daur bhi tha ki faslon se guzar rahi thi nadi ki surat

na jaane kis ki dua hai yaron ki mujh men bhi aa ga.i udasi

na jaane kin pahluon men rah kar hui hai gahri miri udasi

na jaane kin kin labon se pi kar ye zindagi pa ga.i udasi

mili thi jis din laga tha yuun ke nahin banegi kabhi hamari

jo saath ham ne bita.e kuchh din to ek din bha ga.i udasi