Ravish Siddiqi
iltifat-ashna hijab tira
lutf-e-pinhan hai ijtinab tira
kya mila hai ma.al-e-bedari
meri ankhen hain aur ḳhvab tira
dil se karta huun laakh laakh saval
yaad aata hai jab javab tira
koi dekhe tujhe to kya dekhe
ki tira husn hai naqab tira
haa.e un laghzishon ki ra.ana.i
DhunDhta hai jinhen itaab tira
ishrat-e-dil thi dil ki barbadi
TuuT kar ban gaya rabab tira
kis se puchhen ki ab kahan hai ‘ravish’
haa.e vo ḳhanuman-ḳharab tira
Leave a Reply