Yaqoob Parwaz
is tarah murjha ga.e kuchh phul-chehre raat ko
dhuup angan men utar aa.i ho jaise raat ko
umr bhar suraj bhi jin ki diid se qasir rahe
un haya-daron ke uThte hain janaze raat ko
ziist ka sarmaya hai yaden unhi lamhat ki
maaon se jab loriyan sunte the bachche raat ko
ban ga.e hain rahzanon ke vaste ja-e-aman
aur musafir ke liye hain maut raste raat ko
is tarah ab to guzarti hai miri umr-e-ravan
khanste hain jis tarah parvaz buḌhe raat ko
Leave a Reply