dil dena mushkil hota hai
dil ka bhi ik dil hota hai
ham hote hain jab mahfil men
tu jan-e-mahfil hota hai
mauj men aa kar sahra bola
mujh men bhi sahil hota hai
jis raste men tum mil jaao
vo rasta manzil hota hai
dekh mujhe sab dekh rahe hain
tu hi kyuun ghafil hota hai
koi nazar ho ya khanjar ho
qatil to qatil hota hai
‘momin’ tere chup hone se
ik aalam saail hota hai
Leave a Reply