ḳhamosh dard tha rote hue dilase the
nigahen ek taraf ik taraf tamashe the
miTana chahen bhi to kis tarah miTa paa.en
ki ek dusre ke dil pe naam likkhe the
hamara mas.ala johaḌ ka mas.ala nahin tha
hamare aansu tavatur se bahte rahte the
main sochti huun bhala us ka kya bana jis ne
miri tarah ka.i ḳhush-rang ḳhvab dekhe the
abhi se mere hunar aib ho ga.e kaise
abhi to main ne yahan sirf paanv rakkhe the
hamare zehnon men pahle se sarsarahaT thi
isi liye to kahani men saanp aa.e the
na-jane zahr tha meri ragon men ya us men
mira tamam badan us ke honT niile the
Leave a Reply