Shiv Om Misra Anvar
hava ka kibr yahan ḳhaak men mila kar ke
charagh-e-ishq jala hai lahu jala kar ke
kiya hai ḳhatm tafakkur ka silsila main ne
har ek naqsh tiri yaad ke miTa kar ke
ye kis ke bojh ne behal kar diya mujh ko
shagufta phuul miri qabr par chaḌha kar ke
tire ghamon ki hararat men TuuT kar janan
sharab pi raha huun talḳhiyan mila kar ke
khaḌa hai samne mere ḳhulus ka paikar
main ḳhush bahut huun use zindagi men pa kar ke
Leave a Reply