main sirf vo nahin jo nazar aa gaya tujhe
muzhda phir izn-e-bar-e-digar aa gaya tujhe
sahra men jaan dene ke mauqe to ab bhi hain
vo kya junun tha le ke jo ghar aa gaya tujhe
pahle kabhi to maut ko tujh se gila na tha
jiine ka aaj kaise hunar aa gaya tujhe
is daur men ye faḳhr bhi kis ko nasib hai
chehra to a.ine men nazar aa gaya tujhe
is shahr men to kuchh nahin rusva.i ke siva
ai ‘dil’ ye ishq le ke kidhar aa gaya tujhe
Leave a Reply