Jo Uzw-E-Baatin KHuda Banata to Hum Dil-E-Be-Qarar Hote

Poet

jo uzv-e-batin ḳhuda banata to ham dil-e-be-qarar hote

jo uzv-e-zahir ḳhuda banata to dida-e-ashk-bar hote

jo gard kar ke ḳhuda uḌata to uḌte gard-e-malal ho kar

jo sang kar ke ḳhuda jamata to jam ke lauh-e-mazar hote

ḳhuda jo shana hamen banata to ham ḳhalish hote apne dil ki

ḳhuda jo a.ina ham ko karta to apne hairan-kar hote

jo roz ham ko ḳhuda banata to bante roz-e-firaq-e-janan

jo raat ham ko ḳhuda banata to ham shab-e-intizar hote

gharaz ki aisa musibaton ka hamare dil ko maza paḌa hai

ki ‘qadr’ ham ko ḳhuda banata to ho ke be-qadr ḳhvar hote