Baqi Siddiqui
apni dhuup men bhi kuchh jal
har saaye ke saath na Dhal
lafzon ke phulon pe na ja
dekh saron par chalte hal
duniya barf ka tuuda hai
jitna jal sakta hai jal
gham ki nahin avaz koi
kaghaz kaale karta chal
ban ke lakiren ubhre hain
mathe par rahon ke bal
main ne tera saath diya
mere munh par kalak mal
aas ke phuul khile ‘baqi’
dil se guzra phir badal
Leave a Reply