Ab Na De Ilzam Bedardi Ka Makkari Na Kar

Poet

ab na de ilzam bedardi ka makkari na kar

tu hi ḳhud ko janch le mujh se adakari na kar

teri ankhon se na bah nikle kahin mera lahu

vaar karna hai tujhe to is qadar kaari na kar

manta huun main ne tere zabt ko chheḌa magar

raah men yuun dekh kar izhar-e-be-zari na kar

vaz.a-dari se akele umr kaTti hai kahin

apne hathon zindagi ko is qadar bhari na kar

rasta chal dekh kar ye ḳhanjaron ka shahr hai

mujh se chahe kuchh bhi kar le ḳhud se ghaddari na kar